தனுஷ் - வெற்றிமாறன் கூட்டணியில் நான்காவது படமாக வெளியானது 'அசுரன்'. இப்படம் ரசிகர்களின் பாராட்டைப் பெற்று சூப்பர் ஹிட்டானது.
சிறந்த படம், சிறந்த நடிகர் என்னும் இரண்டு தேசிய விருதுகளை இந்தப் படம் வென்றது. தற்போது, இந்தப்படம் தெலுங்கில் வெங்கடேஷ் நடிப்பில் ரீமேக்காக 'நாரப்பா' என்ற பெயரில் உருவாகி வருகிறது. வெங்கடேஷின் 74ஆவது படமாக இப்படம் உருவாகி வருகிறது.
கலைப்புலி தாணு தெலுங்கு பதிப்பையும் தயாரித்துள்ளார். இப்படத்தை ஸ்ரீகாந்த் அட்லா இயக்கியுள்ளார். மணிசர்மா இசையமைத்துள்ளார். மஞ்சு வாரியர் கதாபாத்திரத்தில் பிரியாமணி நடித்துள்ளார். கரைப்பல், கையில் அரிவாளுடன் நடிகர் தனுஷ் உக்கிரமான முகத்துடன் நடந்து வரும் தமிழ் 'அசுரன்' பட போஸ்டர் போல், தெலுங்கிலும் அதே பாணியில் வெங்கடேஷ் கோபத்துடன் நடந்து வரும் போஸ்டர், டீசர் அவரது ரசிகர்கள் மத்தியில் பெரும் எதிர்பார்ப்பை ஏற்படுத்தியுள்ளது.