#EnaiNokiPaayumThota தனுஷ் - கௌதம் வாசுதேவ் மேனன் கூட்டணியில் வெளியீட்டுக்கு தயாராக இருக்கும் படம் 'எனை நோக்கி பாயும் தோட்டா'. இப்படத்தில் மேகா ஆகாஷ், சசிகுமார், வேல ராம மூர்த்தி உள்ளிட்ட பலர் நடித்துள்ளனர்.
இந்த படத்திற்கு தர்புகா சிவா இசையமைத்துள்ளார். ஜோமோன் டி ஜோன், மனோஜ் பரமாம்ஹ்சா ஆகியோர் ஒளிப்பதிவு செய்துள்ளனர். கடந்த இரண்டு ஆண்டுகளாக இப்படவெளியீட்டில் இழுப்பறி நீடித்து வந்தது. பைனான்ஸ் பிரச்னை காரணமாக ரிலீஸ் தேதி ஏற்கனவே செப்டம்பர் 6ஆம் தேதி அறிவிக்கப்பட்டதோடு, படம் மீதான பிரச்னை முடிவுக்கு வராமல் இருந்ததை அடுத்து, நவம்பர் 15ஆம் தேதி வெளியாகும் என படக்குழு தரப்பில் அறிவிக்கப்பட்டது. இந்தப் படத்தை எஸ்கேப் ஆர்டிஸ்ட் பி.மதன் வெளியிடுவதாக இருந்தது.
இதனிடையே, படம் வெளியாகுமா அல்லது மீண்டும் பிரச்னை ஏற்படுமா என்ற குழப்பம் நீடித்து வந்த நிலையில், 'எனை நோக்கி பாயும் தோட்டா' படம் வரும் நவம்பர் 29ஆம் தேதி வெளியாகும் என படக்குழு மீண்டும் அறிவித்திருக்கிறது.