தெலுங்கில் நாகேஸ்வரராவ் நடிப்பில் வெளியான படம் 'பிரேமம் நகர்'. இந்தப் படம் தமிழில் சிவாஜி கணேசன் வாணிஸ்ரீ நடிப்பில் 'வசந்த மாளிகை' என்ற பெயரில் ரீமேக் செய்யப்பட்டது.
கே எஸ் பிரகாஷ் இயக்கிய இப்படம் 1972இல் திரைக்கு வந்து 25 வாரங்களுக்கு மேல் ஓடி வசூலில் சாதனை நிகழ்த்தியது. இலங்கையிலும் அதிக நாட்கள் இந்தப் படம் ஓடியது.
தமிழில் வந்த முதல் 'காதல் படம்' என்று ரசிகர்களால் கொண்டாடப்பட்ட படம். இந்தப் படத்தில் இடம்பெற்ற மயக்கமென்ன, யாருக்காக, குடிமகனே , ஒரு கிண்ணத்தை ஏந்துகின்றேன், கலைமகள் கைப்பொருளே போன்ற பாடல்கள் பட்டி தொட்டி எங்கும் ஒலித்தன.
இந்நிலையில் தற்போது வசந்த மாளிகை படத்தை இயக்குநர் விசி குகநாதன், ஃபிலிமில் இருந்து நவீன தொழில்நுட்பமான டிஜிட்டலுக்கு மாற்றி உள்ளார். அதுமட்டுமல்லாது கலர்-ஒலி ஒளியிலும் மெருகேற்றப்பட்டு இந்த படம் நாளை மறுநாள் (ஜூன் 21) வெளியாகவுள்ளது.