'சிறப்பான ஒரு அப்டேட் வரப்போகுது' - வலிமை படம் குறித்து வில்லன் தகவல்!

சென்னை: வலிமை படத்தின் அப்டேட் குறித்து நடிகர் கார்த்திகேயா தனது ட்விட்டர் பக்கத்தில் பதிவு ஒன்றை வெளியிட்டுள்ளார்.

’நேர்கொண்ட பார்வை’ படத்திற்கு தல அஜித் நடிப்பில் உருவாகிவரும் திரைப்படம் ’வலிமை’. வினோத் இயக்கும் இத்திரைப்படத்தை போனி கபூர் தயாரிக்கிறார். இப்படத்தின் படப்பிடிப்பு 50% முடிந்தநிலையில், இன்னும் படம் குறித்த எந்த ஒரு அறிவிப்பையும் படக்குழு வெளியிடவில்லை.

இருப்பினும் இதில் வில்லனாக RX 100 படத்தில் கதாநாயகனாக நடித்த கார்த்திகேயா நடிப்பதாக தகவல் வெளியானது. இந்நிலையில் நடிகர் கார்த்திகேயா நேற்று (செப். 22) தனது பிறந்தநாளைக் கொண்டாடினார். அவருக்கு அஜித் ரசிகர்கள் பலரும் வாழ்த்து தெரிவித்தனர்.

இந்நிலையில் இதற்கு நன்றி தெரிவித்து நடிகர் கார்த்திகேயா தனது ட்விட்டர் பக்கத்தில் பதிவு ஒன்றை வெளியிட்டுள்ளார். அதில், “என் பிறந்தநாளுக்கு வாழ்த்து தெரிவித்த அஜித் ரசிகர்கள் அனைவருக்கும் நன்றி. பொறுமையாக இருங்க. நீங்க எதிர்பார்த்தைவிட சிறப்பான ஒரு அப்டேட் வரப்போகுது” என்று குறிப்பிட்டுள்ளார்.

இதையும் படிங்க:இந்து மக்கள் கட்சியினர் மீது நடவடிக்கை எடுக்கக்கோரி சூர்யா ரசிகர்கள் மனு!