விஜய் சேதுபதி, ஐஸ்வர்யா ராஜேஷ் தொடர்ந்து நான்காவது முறையாக ஒன்றிணைந்து பணியாற்றியிருக்கும் திரைப்படம் 'க/பெ ரணசிங்கம்'. ரங்கராஜ் பாண்டே, வேல ராமமூர்த்தி, 'பூ' ராம் ஆகியோர் முக்கியக் கதாபாத்திரங்களில் நடித்துள்ள இத்திரைப்படத்தின் டீசர் சமீபத்தில் வெளியானது.
சமூக அரசியல் பேசிய 'அறம்' திரைப்படத்தைத் தயாரித்த அதே தயாரிப்பு நிறுவனமான கேஜேஆர் ஸ்டுடியோஸ் இந்தத் திரைப்படத்தையும் தயாரித்துள்ளது. இப்படத்திற்கு ஜிப்ரான் இசையமைத்துள்ளார்.
தண்ணீர், காற்று, நிலம் ஆகியவை நாட்டுக்குள் மட்டும் அல்ல; சர்வதேச அளவிலும் அரசியலாக இருக்கிறது. நாட்டுக்குள் சாதி, மத அரசியல் முக்கியமானது என்றால், சர்வதேச அளவில் பஞ்ச பூதங்களில் முக்கியமான காற்று, தண்ணீர் ஆகியவை காலம் காலமாக அரசியல் செய்யக்கூடிய அம்சங்களாக இருந்துவருகின்றன.