ஜூன் 21இல் திரைக்கு வரும் 'தும்பா'

ரீகல் ரீல்ஸ், ரோல் டைம் ஸ்டுடியோஸ் சார்பில் சுரேகா நியாபதி தயாரிப்பில் உருவாகி இருக்கும் படம் தும்பா நாளை மறுநாள்(ஜூன்21ஆம் தேதி) திரைக்கு வருகிறது.

ரீகல் ரீல்ஸ், ரோல் டைம் ஸ்டுடியோஸ் சார்பில் சுரேகா நியாபதி தயாரிப்பில் உருவாகி இருக்கும் படம் தும்பா நாளை மறுநாள் (ஜூன்21ஆம் தேதி) திரைக்கு வருகிறது.

'கனா' புகழ் நடிகர் தர்ஷன், கீர்த்தி பாண்டியன், தொலைக்காட்சி புகழ் தீனா ஆகியோர் முன்னணி கதாபாத்திரங்களில் நடித்துள்ளனர். குழந்தைகளின் செல்லமாக மாறிவிட்ட டைக்ரஸ் தும்பா இந்தப் படத்தில் முக்கியக் கதாபாத்திரத்தில் வருகிறது. இந்தப் படம் ஜூன் 21ஆம் தேதி வெளியாகிறது.

இது குறித்து தும்பா படத்தின் இயக்குநர் ஹரிஷ் ராம் கூறியதாவது, அட்வென்ச்சர், ஃபேண்டஸி படமாக உருவாகி இருக்கும் தும்பா ஒரு குடும்பப் பொழுதுபோக்குப் படமாகவும், குறிப்பாக குழந்தைகளுக்கு மிகவும் பிடிக்கும் படமாகவும் இருக்கும். வாகமோன், இடுக்கி, பாலக்காடு, சென்னை, குமுளி ஆகிய இடங்களில் படப்பிடிப்பை நடத்தி முடித்திருக்கிறோம். பார்வையாளர்கள் வெறுமனே படத்தை மட்டும் ரசிக்காமல், படத்தில் இடம்பெறும் அழகிய காட்சிகளையும் நிச்சயம் ரசிப்பார்கள் என்றார்.