நடிகர் விஜய், ‘மாஸ்டர்’ படத்தைத் தொடர்ந்து இயக்குநர் நெல்சன் திலீப்குமார் இயக்கும் 'பீஸ்ட்' படத்தில் நடித்து வருகிறார். இப்படத்தின் படப்பிடிப்பு சென்னையில் நடைபெற்று வரும் நிலையில், அடுத்தகட்ட படப்பிடிப்பு ஜார்ஜியாவில் நடைபெறவுள்ளது.
இந்நிலையில் ’தளபதி 66’ படத்தை தெலுங்கு இயக்குநர் வம்சி பைடிபல்லி இயக்கவுள்ளதாகவும், தில் ராஜு இப்படத்தைத் தயாரிக்க உள்ளதாகவும் கூறப்படுகிறது. தமிழ், தெலுங்கு ஆகிய மொழிகளில் உருவாகவுள்ள இந்தப் படத்தின் ஒன்லைனைக் கேட்டவுடன் விஜய்க்கு பிடித்துவிட்டதால் அவர் உடனே இப்படத்தில் நடிக்க சம்மதம் தெரிவித்துவிட்டதாகவும் கூறப்படுகிறது.