அஜித் மகள் அனோஷ்காவின் பிறந்தநாளை டிரெண்டாக்கிய ரசிகர்கள்

அஜித் குறித்த விஷயங்களை உலகறிய உரக்கச் சொல்லும் அவரது ரசிகர்கள் தற்போது அவரது மகள் அனோஷ்காவின் பிறந்தநாளை சமூக வலைதளங்களில் டிரெண்டாக்கி வாழ்த்து மழையில் நனையவைத்துள்ளனர்.

சென்னை: தல அஜித்குமார் மகள் அனோஷ்காவின் பிறந்தநாளை சமூக வலைதளத்தில் டிரெண்டாக்கிய ரசிகர்கள், தந்தை - மகள் பாசம் குறித்து பல்வேறு வாசகங்களைப் பதிவிட்டு கொண்டாடிவருகிறார்கள்.

தமிழ் சினிமாவின் நட்சத்திர தம்பதியான அஜித்குமார் - ஷாலினி ஆகியோருக்கு அனோஷ்கா என்ற மகளும், ஆத்விக் என்ற மகனும் உள்ளார்கள்.

2008 ஜனவரி 3ஆம் தேதி அஜித் - ஷாலினி தம்பதிக்கு அனோஷ்கா பிறந்தார். அப்போதிலிருந்தே அவரை தங்கள் வீட்டுப் பிள்ளையாக பாவித்துவந்தனர் தல ரசிகர்கள். இதைடுத்து அனோஷ்காவின் குழந்தை தோற்றத்திலிருந்து அவரது வளர்ச்சி ஒவ்வொன்றையும் இணையத்தில் பகிர்ந்து கொண்டாடிவருகிறார்கள்.

அனோஷ்காவின் பிறந்தநாளை முன்னிட்டு ஜனவரி 3ஆம் தேதியான இன்று #HBDAnoushkaAjith என்ற ஹேஷ்டேக்கில் அவரது பிறந்தநாளை ரசிகர்கள் டிரெண்டாக்கியுள்ளனர்.

இதைத்தொடர்ந்து தல அஜித்துடன் அனோஷ்கா இருப்பது போன்ற புகைப்படங்கள், அவரது குழந்தைப் பருவ புகைப்படங்கள் எனப் பதிவிட்டு அவருக்கு வாழ்த்துகளைக் குவித்துவருகின்றனர். மேலும், தந்தை - மகள் பாசம் குறித்து வாசகங்களையும் பதிவிட்டு வாழ்த்துகின்றனர்.

தல அஜித் போலவே பல்வேறு திறமைகளைக் கொண்டுள்ளவராகத் திகழ்கிறார் அவரது மகள் அனோஷ்கா. சமீபத்தில் தனது பள்ளியின் கிறிஸ்துமஸ் விழாவில் அனோஷ்கா பாடல் பாடினார். இந்தக் காணொலி இணையத்தில் வைரலானது.

இதேபோல் பேட்மிண்டன் விளைாட்டிலும் கில்லாடியாகத் திகழும் அவர், பல்வேறு நடனங்களும் முறையாக கற்றுவருகிறாராம்.

அஜித் வீட்டில் என்ன நிகழ்வுகள் நடந்தாலும் அதை உலகறியச் செய்யும் அவரது ரசிகர்கள், தற்போது அனோஷ்காவின் பிறந்தநாளுக்கு விதவிதமான பதிவுகளால் டிரெண்டாக்கியுள்ளனர்.