தமிழில் இயக்குநர் வசந்தபாலனின் 'வெயில்' படம் மூலம் இசையமைப்பாளராக அறிமுகமானவர் ஜி.வி. பிரகாஷ் குமார். இதைத்தொடர்ந்து பல படங்களில் இசையமைத்த அவர் ஏராளமான ஹிட் பாடல்களை கொடுத்ததுடன், நினைவில் நிற்கும் பின்னணி இசையையும் தந்துள்ளார்.
இந்நிலையில், 'டார்லிங்' படம் மூலம் ஹீரோவாக அறிமுகமான இவர், அடுத்தடுத்து பல படங்களில் நடித்தார். இளைஞர்களுக்கு பிடித்தமான கதாபாத்திரங்களையும் கதைகளையும் தேர்வு செய்து நடித்து வருகிறார்.
தன்னை சினிமாவில் அறிமுகம் செய்த இயக்குநர் வசந்த பாலன் இயக்கத்தில் உருவாகிவரும் 'ஜெயில்' படத்தில் ஜி.வி.பிரகாஷ் நாயகனாக நடித்து, இசையமைத்துள்ளார்.
‘ஜெயில்’ படத்தின் பணிகள் அனைத்தும் முடிந்து வெளியாக தயாராகவுள்ளன. இப்படத்தை கிரிக்கஸ் சினி கிரியேஷன்ஸ் சார்பில் ஸ்ரீதரன் மரியதாசன் தயாரித்துள்ளார்.