நெட்ஃபிளிக்ஸ் ஓடிடி தளத்திற்காக மணிரத்னம், ஜெயேந்திரா தயாரிப்பில், ஒன்பது முன்னணி இயக்குநர்கள், ஒன்பது முன்னணி ஒளிப்பதிவாளர்கள், ஒன்பது முன்னணி இசையமைப்பாளர்கள் இணைந்து ஒன்பது நவரசங்களை வைத்து 'நவரசா' என்னும் ஆந்தாலஜி படத்தை உருவாக்கியுள்ளனர்.
இந்தப் படத்தை பிரியதர்ஷன், வசந்த் சாய், கெளதம் மேனன், பிஜாய் நம்பியார், அரவிந்த் சாமி, கார்த்திக் சுப்புராஜ், கார்த்திக் நரேன், ரதிந்தீரன் ஆர் பிரசாத், சர்ஜூன் ஆகிய ஒன்பது இயக்குநர்கள் இயக்கியுள்ளனர்.
கோபம், சிரிப்பு, வெறுப்பு உள்ளிட்ட 9 ரசங்களை வெளிப்படுத்தும் விதமாக எடுக்கப்பட்டுள்ள 9 குறும்படங்களில் முன்னணி நடிகர்களான சூர்யா, விஜய்சேதுபதி, சித்தார்த், யோகிபாபு, நடிகைகள் பார்வதி, ஐஸ்வர்யா ராஜேஷ் உள்ளிட்ட பலர் நடித்துள்ளனர்.