சுஷாந்த் சிங் தற்கொலை விவகாரம்- மேலாளர் ரேஷ்மா ஷெட்டியை விசாரணை செய்த காவல்துறை!

பாலிவுட் நடிகர் சுஷாந்த் சிங்கின் மரணம் குறித்து மும்பை காவல்துறையினர் மேலாளர் ரேஷ்மா ஷெட்டியிடம் விசாரணை நடத்தியுள்ளனர்.

பாலிவுட் நடிகர் சுஷாந்த் சிங், ஜூன் 14ஆம் தேதி மும்பையில் உள்ள தனது இல்லத்தில் தற்கொலை செய்து கொண்டார். இவரின் மரணம் திரைத்துறையினர் மத்தியில் பெரும் அதிர்ச்சியை ஏற்படுத்தியது.

அவரின் தற்கொலைக்குக் காரணம், திரைத்துறையில் இருக்கும் வாரிசு அரசியல், பின்புலம் இல்லாமல் சினிமா துறைக்குள் வருபவர்களை நடிக்க விடுவதில்லை என்று கூறப்படுகிறது. இந்நிலையில் தற்போது சுஷாந்த் சிங்கின் மரணம் குறித்து, மேலாளர் ரேஷ்மா ஷெட்டியை மும்பை காவல்துறையினர் விசாரணை செய்துள்ளனர்.

சுமார் 5 மணி நேரம் நடைபெற்ற இவ்விசாரணையில், அவர் சுஷாந்த்வுடன் பழகிய போது நடைபெற்ற சம்பவம் குறித்து அனைத்தையும் கூறியிருப்பார் என்று எதிர்பார்க்கப்படுகிறது. இருப்பினும் காவல்துறையினர் இது குறித்து எந்தத் தகவலையும் இன்னும் வெளியிடவில்லை.

அதேபோல் மும்பை காவல்துறையினர் ரேபா சக்கரவர்த்தி, முகேஷ், சஞ்சனா உள்ளிட்ட 35 பேரிடம் விசாரணை நடத்தியுள்ளனர் என்பது குறிப்பிடத்தக்கது.