#Surya40: பிப்ரவரியில் தொடங்கும் படப்பிடிப்பு

பாண்டிராஜ் இயக்கத்தில் சூர்யா நடிக்கும் புதிய படத்தின் படப்பிடிப்பு அடுத்த மாதம் தொடங்கும் என படக்குழுவினர் அறிவித்துள்ளனர்.

நடிகர் சூர்யா நடித்த சூரரைப்போற்று திரைப்படம் கரோனா காரணமாக ஓடிடியில் வெளியாகி நல்ல வரவேற்பு பெற்றது. இதனை அடுத்து சூர்யா இயக்குநர்கள் பாண்டிராஜ், வெற்றிமாறன் ஆகியோர் படங்களில் நடிக்க இருக்கிறார் என்ற தகவல்கள் வெளியாகின.

இதையடுத்து முதலில் பாண்டிராஜ் இயக்கும் புதிய படத்தில் சூர்யா நடிப்பது உறுதியாகியுள்ளது. சன் பிக்சர்ஸ் தயாரிக்கும் இப்படத்தில் சூர்யாவுக்கு ஜோடியாக டாக்டர் படத்தில் நடித்த பிரியங்கா மோகன் நடிக்க உள்ளதாகவும் தகவல்கள் வெளியாகியுள்ளன.

#Surya40

இந்நிலையில் இப்படம் கிராமத்து பின்னணியில் உருவாக உள்ளதாகவும் அடுத்த மாதம் 15ஆம் தேதி முதல் புதுக்கோட்டை, காரைக்குடி பகுதிகளில் படப்பிடிப்பு நடைபெற உள்ளதாகவும் படக்குழு தரப்பில் கூறப்பட்டுள்ளது.

இதையும் படிங்க:மறைந்தார் ‘பம்மல் கே சம்பந்தம்’ தாத்தா!