இந்தியில் ரீமேக்காகும் 'சூரரைப் போற்று'

சூர்யாவின் நடிப்பில் வெளியீட்டுக்கு காத்திருக்கும் 'சூரரைப் போற்று' திரைப்படம் இந்தியில் ரீமேக் செய்யப்படவுள்ளதாகத் தகவல் வெளியாகியுள்ளது.

இயக்குநர் சுதா கொங்கரா இயக்கத்தில் சூர்யா நடிக்கும் 'சூரரைப் போற்று' திரைப்படம் வரும் ஏப்ரல் மாதம் வெளியாகவுள்ளது.

சூர்யாவின் 2டி என்டர்டெய்ன்மென்ட் தயாரிக்கும் இத்திரைப்படம் ரசிகர்களிடையே பெரும் எதிர்பார்ப்பை ஏற்படுத்தியுள்ள நிலையில், படம் வெளியாவதற்கு முன்பே, படத்தை இந்தியில் ரீமேக் செய்வதற்கான உரிமையைத் தயாரிப்பாளர் குநீத் மோன்கா பெற்றுள்ளார்.

இதையடுத்து படக்குழு சார்ந்த விவரங்கள் விரைவில் வெளியாகும் எனவும் கூறப்பட்டுள்ளது. தெலுங்கில் 'ஆகாஷனமே நீ ஹதுரா' என்னும் பெயரில் சூரரைப் போற்று டப்பிங் செய்யப்பட்டுள்ளது குறிப்பிடத்தக்கது.

இதையும் படிங்க: சூர்யாவின் மிரட்டலான சூரரைப் போற்று - புகைபடத் தொகுப்பு!