மக்கள் செல்வன் விஜய்சேதுபதி நடிப்பில் சமீபத்தில் ஓடிடி தளத்தில் வெளியான திரைப்படம் க/பெ.ரணசிங்கம். கிராமத்து கதைக்களமாக வெளியான இத்திரைப்படம் ரசிகர்களிடையே நல்ல வரவேற்பை பெற்று வருகிறது. மேலும் ரசிகர்கள் தவிர திரையுலகை சேர்ந்த பிரபலங்கள் பலரும் இப்படத்திற்கு பாராட்டு தெரிவித்து வருகின்றனர். அறிமுக இயக்குநர் விருமாண்டி இயக்கியுள்ள இப்படத்தை கே.ஜே.ஆர் ஸ்டியோஸ் நிறுவனம் தயாரித்துள்ளது.
அந்தவகையில் நடிகர் சூர்யா இப்படத்திற்கு வாழ்த்து தெரிவித்து தனது ட்விட்டர் பக்கத்தில் பதிவு ஒன்றை வெளியிட்டுள்ளார். அதில், “அடித்தட்டு மக்களின் இயலாமையை, வறுமையை, வெளிநாடு போய் படும் நெருக்கடியை, நெஞ்சைத் தட்டி நியாயம் கேட்கிற படம் க/பெ.ரணசிங்கம். இயக்குநர் மற்றும் படக்குழுவினருக்கு மனமார்ந்த பாராட்டுகள்” என்று குறிப்பிட்டுள்ளார்.