’எங்கள் நினைவில் வாழ்வீர்கள் விவேக் சார்’- சூர்யா

சென்னை: நடிகர் விவேக் மரணம் குறித்து சூர்யா தனது ட்விட்டர் பக்கத்தில் இரங்கல் தெரிவித்துள்ளார்.

தமிழ் திரையுலகின் முன்னணி நகைச்சுவை நடிகராக வலம்வந்த விவேக், நேற்று (ஏப்ரல்.16) காலை திடீரென ஏற்பட்ட மாரடைப்பால் வடபழனியில் உள்ள தனியார் மருத்துவமனையில் சிகிச்சைக்காக அனுமதிக்கப்பட்டார். அவர் சிகிச்சை பலனின்றி இன்று(ஏப்ரல்.17) அதிகாலை உயிரிழந்ததாக மருத்துவமனை நிர்வாகம் தெரிவித்துள்ளது.

அவரது மறைவுக்கு திரையுலக பிரபலங்கள், அரசியல் தலைவர்கள், பொதுமக்கள் என பலர் நேரிலும், சமூக வலைதளங்கள் மூலமாகவும் அஞ்சலி செலுத்திவருகின்றனர்.

இந்நிலையில் நடிகர் சூர்யா, விவேக் மரணத்திற்கு தனது ட்விட்டர் பக்கத்தில் இரங்கல் தெரிவித்துள்ளார். அதில், “மனதில் விதைத்த சிந்தனைகள் வழியாக தலைமுறைக்கும் எங்கள் நினைவில் வாழ்வீர்கள் விவேக் சார். மீள முடியாத துயரத்தில் தவிக்கும் குடும்பத்தாருடன் துணை நிற்போம்” என குறிப்பிட்டுள்ளார்.

இதையும் படிங்க:'தமிழ்ச் சமூகத்திற்கு ஏற்பட்ட பேரிழப்பு"- விவேக் மரணம் குறித்து கமல் ஹாசன்