"ஒன் 2 ஒன்" படக்குழுவினருடன் பிறந்தநாள் கொண்டாடிய சுந்தர்.சி!

ஒன் 2 ஒன் படக்குழுவினருடன் இன்று (ஜன.21) தனது 54ஆவது பிறந்தநாளை இயக்குநர் சுந்தர்.சி படப்பிடிப்பு தளத்தில் கேக் வெட்டி கொண்டாடினார்.

24 HRS புரொடக்‌ஷன்ஸ் தயாரிப்பில், கே.திருஞானம் எழுதி இயக்கும் படம் "ஒன் 2 ஒன்". சுந்தர்.சி கதாநாயகனாக நடிக்கும் இத்திரைப்படத்தில் ராகினி திவேதி கதாநாயகியாக நடிக்கின்றார். விஜய் வர்மா, ஜார்ஜ் ஆண்டனி, விச்சு, மானஸ்வி உள்ளிட்டோர் முக்கிய கதாபாத்திரத்தில் நடிக்கின்றனர்.

விக்ரம் மோகன் ஒளிப்பதிவை மேற்கொள்ள, சித்தார்த் விபின் இசையமைக்கிறார். இந்நிலையில் இன்று (ஜன.21) தனது 54ஆவது பிறந்தநாளை ஒன் 2 ஒன் படக்குழுவினருடன் சுந்தர் சி கொண்டாடினார்.

படக்குழுவினருடன் பிறந்தநாள் கொண்டாடிய சுந்தர்.சி

அதன்படி படப்பிடிப்பு தளத்தில் ஏற்பாடு செய்யப்பட்டிருந்த கேக்கை வெட்டிய சுந்தர் சி, பிறந்த நாள் வாழ்த்து தெரிவித்த அனைவருக்கும் நன்றி தெரிவித்தார்.

இதேபோல், பல ஆண்டுகளுக்கு பிறகு படப்பிடிப்பு தளத்தில் சுந்தர். சி தனது பிறந்தநாளை கொண்டாடியுள்ளார் என்பது நினைவு கூரத்தக்கது.

இதையும் படிங்க:ரசிகரின் திருமண வரவேற்பில் கலந்து கொண்ட விஜய்சேதுபதி!