கமலின் விக்ரம் படத்தில் இணைந்த கைதி பட நடிகர்?

சென்னை: நடிகர் கமல்ஹாசன் நடிக்கவுள்ள, ‘விக்ரம்’ படத்தில் அர்ஜுன் தாஸ் இணைந்துள்ளதாகத் தகவல் வெளியாகியுள்ளது.

நடிகர் கமல்ஹாசனின் 232ஆவது திரைப்படத்தை இயக்குநர் லோகேஷ் கனகராஜ் இயக்கவுள்ளார். ராஜ்கமல் பிலிம்ஸ் நிறுவனம் தயாரிக்கும் இப்படத்தில் அனிருத் இசையமைக்க உள்ளார்.

இந்நிலையில் தற்போது இந்தப் படத்தில் ’கைதி’ , ’மாஸ்டர்’ ஆகிய படங்களில் நடித்த அர்ஜுன் தாஸ் நடிக்கவுள்ளதாகத் தகவல் வெளியாகியுள்ளது. ஏற்கனவே ‘விக்ரம்’ படத்தில் மலையாள நடிகர் பகத்பாசில், விஜய் சேதுபதி ஆகியோர் இணைந்துள்ளனர் என்பது குறிப்பிடத்தக்கது.

அர்ஜுன் தாஸ்

கரோனா தொற்று குறைந்ததும் இப்படத்தின் படப்பிடிப்புத் தொடங்கும் என எதிர்பார்க்கப்படுகிறது.

இதையும் படிங்க:’என் படத்திற்கு என்ன தலைப்பு வைக்கலாம்?’ - பார்த்திபன் கேள்வி