சார்பட்டா திரைப்பட இசைக்கோர்ப்பு நிறைவு

ஆர்யா நடிப்பில் உருவாகியிருக்கும் ’சார்பட்டா பரம்பரை’ திரைப்படத்தின் இசைக்கோர்ப்பு பணிகள் முடிந்துவிட்டதாக படக்குழுவினர் தெரிவித்துள்ளனர்.

பா. ரஞ்சித் இயக்கத்தில் ஆர்யா நடிக்கும் திரைப்படம் சார்பட்டா பரம்பரை. ஒரு காலத்தில் வடசென்னையில் மிகவும் பிரபலமாக இருந்த விளையாட்டான குத்துச்சண்டையை கருவாக கொண்டு இப்படம் உருவாகியுள்ளது.

இதில், பசுபதி, ஜான் கோகேன், கலையரசன், சந்தோஷ் பிரதாப் உள்ளிடோர் முக்கிய வேடத்தில் நடித்துள்ளனர். சார்பட்டா பரம்பரை படத்தின் படப்பிடிப்பு முழுவதும் முடிந்துவிட்ட நிலையில், போஸ்ட் புரொடக்ஷன் பணியில் படக்குழுவினர் மும்முரமாக ஈடுபட்டனர்.

இந்நிலையில், இசைக்கோர்ப்பு பணி முழுமையாக முடிந்துவிட்டதாக படக்குழுவினர் தெரிவித்துள்ளனர்.

கரோனா இரண்டாம் அலை பரவல் காரணமாக திரையரங்குகள் மூடப்பட்டதை அடுத்து, தொடர்ந்து சார்பட்டா பரம்பரை படத்தின் ரிலீஸ் தேதி தள்ளிப்போன வண்ணம் இருந்தது. இந்நிலையில் இப்படம் அமேசான் பிரைம் ஓடிடி தளத்தில் நேரடியாக வெளியாக இருக்கிறது.