இயக்குநர் நெல்சன் வெங்கடேசன் இயக்கியுள்ள 'மான்ஸ்டர்' படத்தின் இசை வெளியீட்டு விழா இன்று சென்னையில் நடைபெற்றது. இந்த விழாவில் இசையமைப்பாளர் ஜஸ்டின் பிரபாகரன், நடன இயக்குநர் சாபு ஜோசப், படத்தில் நடித்த அனைவரும் கலந்துகொண்டனர்.
இதையடுத்து பேசிய படத்தின் நாயகி பேசிய பிரியா பவானி சங்கர், 'இந்த படத்தில் எஸ்.ஜே.சூர்யா நாயகன் என்றதும் அவருடன் எனக்கு பொருத்தமாக இருக்குமா? என்று தயங்கினேன். படக்குழுவினருடன் ஜாலியாக பணியாற்றினேன். ஜஸ்டினின் இசையில் எனக்கு ஒரு பாடல் அமைந்ததில் மகிழ்ச்சியாக இருக்கிறது' என்றார். இதனைத்தொடர்ந்து பேசிய இயக்குநர் நெல்சன் வெங்கடேசன், கிராஃபிக்ஸ் ஏதும் இல்லாமல் உண்மையான எலியை வைத்துதான் படப்பிடிப்பு நடத்தினோம். இதுவரை யாரும் பார்த்திராத எஸ்.ஜே.சூர்யாவை இப்படத்தில் பார்க்கலாம்' என்று நம்பிக்கையுடன் தெரிவித்தார்.