நடிகர் சிம்பு நடிப்பில் வெங்கட் பிரபு இயக்கத்தில் உருவாகியுள்ள திரைப்படம், மாநாடு. சுரேஷ் காமாட்சி தயாரித்துள்ள இப்படத்தின் ட்ரெய்லர் சமீபத்தில் வெளியாகி மாபெரும் வரவேற்பை பெற்றது.
இத்திரைப்படம் தீபாவளியை முன்னிட்டு நவம்பர் 4ஆம் தேதி வெளியாகும் என படக்குழுவினர் அறிவித்திருந்தனர். ஆனால் அதேநாள் ரஜினிகாந்த் நடித்துள்ள ’அண்ணாத்த’ படம் வெளியாவதால் படத்தின் ரிலீஸ் தேதி நவம்பர் 25ஆம் தேதிக்கு மாற்றப்பட்டுள்ளது.
இந்நிலையில் படத்தில் காவலராக நடித்துள்ள எஸ்.ஜே.சூர்யா, ’மாநாடு’ படம் குறித்து தனது ட்விட்டர் பக்கத்தில் பதிவு ஒன்றை வெளியிட்டுள்ளார்.