'சிவக்குமாரின் சபதம்' ரிலீஸ் அப்டேட்!

'சிவக்குமாரின் சபதம்' படத்துக்கு சென்சார் போர்டு அனுமதி அளித்ததை அடுத்து, விரைவில் இப்படத்தின் ட்ரெய்லர் வெளியடப்படவுள்ளது. அத்துடன் படத்தையும் இம்மாதமே வெளியடுவதற்கான வேலைகளில் படக்குழு ஈடுபட்டுள்ளது.

சென்னை: ஹிப்ஹாப் ஆதி நடித்துள்ள 'சிவக்குமாரின் சபதம்' படத்தின் ரிலீஸ் குறித்த அப்டேட் வெளியாகியுள்ளது.

தமிழ்த் திரைத்துறையில் இசையமைப்பாளர், பாடகர், நடிகர் என பன்முகத்திறமை கொண்டவராக வலம் வருபவர் ஹிப்ஹாப் ஆதி. இவர் தற்போது 'சிவகுமாரின் சபதம்' என்ற படத்தை இயக்கி, நடித்துள்ளார். படத்தில் கதாநாயகியாக மாதுரி என்பவர் நடித்துள்ளார்.

சத்யஜோதி பிலிம்ஸுடன் இணைந்து ஹிப்ஹாப் ஆதி இப்படத்தை தயாரித்துள்ளார்.

இந்தப் படத்தின் பாடல்கள் வெளியாகி முன்னதாக நல்ல வரவேற்பைப் பெற்றன. இதையடுத்து படம் அனைவரும் பார்க்கும் விதமாக சென்சாரில் ’யு சான்றிதழ்’ பெற்றுள்ளதாக தகவல்கள் தெரிவிக்கின்றன.

தொடர்ந்து இப்படத்தின் ட்ரெய்லரை விரைவில் வெளியிட படக்குழுவினர் முடிவு செய்துள்ளனராம். அத்துடன் படத்தையும் வரும் 30ஆம் தேதி திரையரங்கில் வெளியிட முடிவு செய்துள்ளனராம்.

’ஹிப்ஹாப் தமிழா’ ஆதி நடிப்பில் கடந்த ஆண்டு பிப்ரவரி மாதம் ’நான் சிரித்தால்’ என்ற திரைப்படம் வெளியாகி ரசிகர்களிடம் வரவேற்பைப் பெற்றது.

காமெடி, காதல், அதிரடி என அனைத்தும் கலந்த கலவையாக இந்தப் படம் அமைந்திருந்தது. இதே போல் தற்போது வெளியாக இருக்கும் 'சிவகுமாரின் சபதம்' திரைப்படமும் அனைத்து விதமாக ஜனரஞ்சக அம்சங்களோடும் இருக்கும் எனக் கூறப்படுகிறது.

இதையும் படிங்க: வலிமை: இது ‘தல தீபாவளி’ கிடையாதாம்!