நயன்தாரா நடிப்பில் 'கோலமாவு கோகிலா' படத்தை இயக்கிய நெல்சன் திலீப்குமாரின் அடுத்த படம் 'டாக்டர்'. இதில் சிவகார்த்திகேயன், பிரியங்கா மோகன் ஆகியோர் முன்னணி கதாபாத்திரங்களில் நடித்துவருகின்றனர்.
மேலும் யோகி பாபு, வினய் உள்ளிட்டோர் முக்கிய கதாபாத்திரங்களில் நடிக்கும் இத்திரைப்படத்தின் ஃபர்ஸ்ட் லுக் போஸ்டர் நாளை வெளியாகும் என படக்குழு தெரிவித்துள்ளது. நாளை சிவகார்த்திகேயனின் பிறந்தநாளை முன்னிட்டு ரசிகர்களுக்கு ட்ரீட் கொடுக்கும் வகையில் படக்குழு இந்த முடிவை எடுத்துள்ளது. இந்தப் படத்தில் சிவாகார்த்திகேயன் ரசிகர்களுக்கு வித்தியாசமாக தெரிவார் என படத்தின் இயக்குநர் குறிப்பிட்டுள்ளார்.