நடிகர் சிவகார்த்திகேயன் ‘சிவகார்த்திகேயன் புரொடக்ஷன்ஸ்’ என்ற பெயரில் தயாரிப்பு நிறுவனத்தைத் தொடங்கி படங்களை தயாரித்து வருகிறார். இவர் முதல் படமாக அருண்ராஜா காமராஜ் இயக்கத்தில் உருவான ‘கனா’ படத்தை தயாரித்தார். இப்படம் விமர்சன ரீதியாகவும், வசூல் ரீதியாகவும் நல்ல வரவேற்பைப் பெற்றது.
இந்நிலையில் சின்னத்திரை நடிகரான ரியோ ராஜை கதாநாயனாக வைத்து ‘ஸ்மைல் சேட்டை’ யூ டியூப் சேனல் கார்த்திக் இயக்கும் புதிய படத்தை சிவகார்த்திகேயன் தயாரித்து வருகிறார். இப்படத்தில் ரியோ ராஜூக்கு ஜோடியாக ஷெரில் நடிக்கிறார். நாஞ்சில் சம்பத், ராதாரவி, ஆர்ஜே விக்னேஷ் உள்ளிட்டேர் முக்கியக் கதாபாத்திரங்களில் நடிக்கின்றனர்.