இயக்குநர் பாபு யோகேஸ்வரன் இயக்கத்தில் விஜய் ஆண்டனி நடிக்கும் படம் 'தமிழரசன்'. எஸ்.என்.எஸ். மூவீஸ் சார்பில் கெளசல்யா ராணி தயாரிப்பில் உருவாகும் இப்படத்தில் நடிகை ரம்யா நம்பீசன், நடிகர் சுரேஷ்கோபி, ராதாரவி, சோனு சூட், யோகிபாபு, சங்கீதா, கஸ்தூரி, ரோபோ சங்கர், சாயாசிங், மதுமிதா, ஒய்.ஜி.மகேந்திரன், கதிர் ஆகியோர் நடிக்கின்றனர். இவர்களுடன் இயக்குநர் மோகன்ராஜாவின் மகன் மாஸ்டர் பிரணவ் முக்கிய கதாபாத்திரத்தில் நடிக்கிறார்.
அதிரடி ஆக்ஷன் கலந்த நகைச்சுவை படமாக உருவாகிவரும் இந்தப் படத்தின் படப்பிடிப்பு சென்னையைச் சுற்றியுள்ள பகுதிகளில் இரண்டு கட்டங்களாக நடைபெற்றுவந்தது. இந்நிலையில் படத்தின் படப்பிடிப்புப் பணிகள் முடிவுற்று போஸ்ட் புரொடக்ஷன் பணிகள் நடைபெற்றுவருகிறது. விஜய் ஆண்டனி கதாநாயகனாக நடிக்கும் இப்படத்திற்கு இசைஞானி இளையராஜா இசையமைத்து வருகிறார்.