'இயற்கை', 'ஈ', 'பேராண்மை', 'புறம்போக்கு எனும் பொதுவுடைமை' ஆகிய நல்ல கதையம்சம் கொண்ட படங்களை இயக்கியவர் எஸ்.பி.ஜனநாதன். இவர் ஏற்கனவே விஜய் சேதுபதியை 'புறம்போக்கு' படத்தில் இயக்கியுள்ளார். தற்போது இரண்டாவது முறையாக விஜய் சேதுபதியை வைத்து 'லாபம்' எனும் புதிய படத்தை இயக்கி வருகிறார்.
இந்தப் படத்தை 7சிஎஸ் என்டர்டெயின்மென்ட் நிறுவனம் சார்பில் ஆறுமுக குமார் தயாரிக்கிறார். இந்தப் படத்தில் விஜய் சேதுபதிக்கு ஜோடியாக ஸ்ருதி ஹாசன் நடிக்கிறார். ராம்ஜி ஒளிப்பதிவில், டி.இமான் இசையில் படம் உருவாகிவருகிறது. விவசாயத்திற்கு முக்கியத்துவம் கொடுத்து உணவு அரசியல் பேசும் கமர்சியல் படமாக இது இருக்கும் என கூறப்படுகிறது.