பாலிவுட்டில் அமிதாப்பச்சன் நடிப்பில் வெளியான 'பிங்க்' திரைப்படம் வசூல் ரீதியாகவும், விமர்சன ரீதியாகவும் மாபெரும் வரவேற்பை பெற்றது. இதையடுத்து இப்படம் தமிழில் 'நேர்கொண்ட பார்வை' என்ற பெயரில் ரீமேக் செய்யப்பட்டது. இதில் அஜித் ஹீரோவாக நடித்திருந்தார்.
''ஒரு பெண் நோ என்று சொன்னால் அதற்கு அர்த்தம் நோ'' என்று அஜித் பேசிய வசனம் ரசிகர்களின் கவனத்தை ஈர்த்தது. தமிழை தொடர்ந்து தற்போது இப்படம் தெலுங்கில் ரீமேக் செய்யப்பட்டு வருகிறது. இதில் பவர் ஸ்டார் பவன் கல்யாண் ஹீரோவாக நடிக்க, ஸ்ரீராம் வேணு இயக்குகிறார். மேலும் இதில் நிவேதா தாமஸ், அஞ்சலி உள்ளிட்டோர் முக்கியக் கதாபாத்திரங்களில் நடிக்கின்றனர். இதில் ஹீரோயினாக யார் நடிப்பார் என்று தெரிந்து கொள்ள ரசிகர்கள் ஆவலாக இருந்தனர்.