இயக்குநர் ஜான்சன்.கே கதை, திரைக்கதை, வசனம் இயக்கத்தில் சந்தோஷ் நாராயணன் இசையில் நடிகர் சந்தானம் நடித்து, கடந்த வருடம் வெளியான படம் 'A1'. இந்தப் படத்தின் நகைச்சுவை காட்சிகளும், வசனங்களும், பாடல்களும் அனைத்து தரப்பு மக்கள், சமூக வலைத்தளங்கள் , விமர்சகர்கள் என்று அனைவரது பாராட்டுகளையும் பெற்றது. இதனால் இப்படம் பெரும் வெற்றிப் பெற்றது.
இதனையடுத்து மீண்டும் ஒரு நகைச்சுவை படத்தில் நடிகர் சந்தானம் - இயக்குநர் ஜான்சன்.கே - இசையமைப்பாளர் சந்தோஷ் நாராயணன் கூட்டணி இணைந்துள்ளனர். லார்க் ஸ்டுடியோஸ் இந்தப் படத்தை தயாரிக்க உள்ளனர். இன்னும் பெயரிடப்படாத இந்தப் படத்திற்காக தற்காலிகமாக புரோடக்சன் நம்பர் 1 என்று பெயரிடப்பட்டுள்ளது.