ராஜாராணி நடிகைக்குத் திடீர் திருமணம்?

விஜய் டிவியில் ஒளிபரப்பாகும், ராஜா ராணி உள்ளிட்ட தொடரில் நடித்து பிரபலமானவரான வைஷாலி தனது திருமணம் குறித்த அறிவிப்பை வெளியிட்டுள்ளார்.

சென்னை:விஜய் டிவி சீரியல் நடிகை வைஷாலி தனிகா, தனது பிறந்தநாளை அண்மையில் கொண்டாடினார். அன்றைய நாள் அவர் பதிவிட்ட புகைப்படமும், அதையொட்டி அவர் வெளியிட்ட அறிவிப்பும் அவரது ரசிகர்களை ஃபீல் செய்யவைத்துள்ளது.

மாப்பிள்ளை, ராஜா ராணி உள்ளிட்ட தொலைக்காட்சித் தொடர்களில் வைஷாலி நடித்துள்ளார். தற்போது, கோகுலத்தில் சீதை, நம்ம வீட்டு பொண்ணு உள்ளிட்ட சீரியலில் முக்கியக் கதாபாத்திரத்தில் நடித்துவருகிறார். இதுவரை அவர் சீரியலில் வில்லியாகவே பெரும்பாலும் நடித்திருக்கிறார்.

இந்நிலையில்தான், தனது பிறந்தநாளான்று தனது காதலனான சத்ய தேவ் என்பவரைத் திருமணம் செய்யவிருப்பதாக அறிவித்தார் வைஷாலி.

மேலும், இதுதான் பேச்சுலராகக் கொண்டாடும் கடைசி பிறந்தநாள் என்றும் அவர் தெரிவித்திருந்தார். அடடா அழகு தேவதைக்குத் திருமணமா? என லிட்டில் ஷாக்கில் இருக்கும், அவரது ரசிகர்கள் ஃபுல் ஃபீலிங்கோடு அவருக்கு வாழ்த்து மழையைப் பொழிந்துவருகிறார்கள்.