பா. ரஞ்சித் இயக்கத்தில் உருவாகியுள்ள 'சார்பட்டா பரம்பரை' அமேசான் ஃபிரைம் ஓடிடி தளத்தில் இரண்டு நாள்களுக்கு முன்பு வெளியானது.
குத்துச் சண்டையை மையமாக வைத்து வெளியான இப்படத்தில் ஆர்யாவின் நடிப்பு பலரையும் ஈர்த்துள்ளது. 'சார்பட்டா பரம்பரை' வெற்றிக்கு காரணம் படத்தில் உள்ள அனைத்து கதாபாத்திரங்களையும் பா.ரஞ்சித் சரியாக பயன்படுத்தி உள்ளார் என ரசிகர்கள் கூறியுள்ளனர்.
இந்நிலையில், 'சார்பட்டா பரம்பரை' படத்தில் இடம்பெற்றுள்ள டான்ஸிங் ரோஸ் கதாபாத்திரம், ரசிகர்களுக்கு மிகவும் பிடித்தமான ஒன்றாக மாறியுள்ளது. இவரின் நடிப்பைப் பார்த்த ரசிகர்கள், இவரை வைத்து தனியாகவே படத்தை இயக்கலாம் என்ற அளவிற்கு சமூக வலைதளங்களில் கருத்து தெரிவித்து வருகின்றனர்.
சரி யார் இந்த டான்ஸிங் ரோஸ்? என்று பார்ப்போம்.... அவர் பெயர் ஷபீர் கலரக்கல். ஏற்கனவே இவர் இதற்கு முன்பாக 'பேட்ட', 'டெடி' ஆகிய படங்களில் சிறிய கதாபாத்திரத்தில் நடித்துள்ளார். இன்னும் இவர் நிறையப் படங்களில் ஹீரோவாக நடிக்க வேண்டும் என அவரது ரசிகர்கள் சமூக வலைதளங்களில் பதிவிட்டு வருகின்றனர்.
இதையும் படிங்க:சார்பட்டா பரம்பரை: முகமது அலிக்கு ஒரு காதல் கடிதம்
