வருமா? வராதா? பாவம் அவரே கன்ஃபியூஸ் ஆகிட்டாரு!

இயக்குநர் ஏ. ஆர். முருகதாஸ் இயக்கத்தில் ரஜினியின் 'தர்பார்' திரைப்படத்துக்கு ஆரம்பம் முதலே ரசிகர்களிடம் எதிர்பார்ப்பு இருந்தது.

கடந்த வாரம் 'தர்பார்' படத்தின் இசை வெளியீட்டு விழா பிரமாண்டமாக நடைபெற்று ரசிகர்களிடம் நல்ல வரவேற்பை பெற்றது.

இந்நிலையில், நாளை ரஜினிகாந்தின் 70ஆவது பிறந்தநாளை முன்னிட்டுபல திரையுலகினரும் ரஜினிக்கு வாழ்த்து தெரிவித்துவரும் நிலையில் 'தர்பார்' ஸ்பெஷலாக படத்தின் ட்ரெய்லர் வெளியாகும் என எதிர்பார்ப்பு இருந்தது. இந்நிலையில் படத்தின் ஒளிப்பதிவாளர் சந்தோஷ் சிவன் தனது ட்விட்டர் பக்கத்தில் ரஜினிக்கு வாழ்த்து தெரிவித்து, 'தர்பார்' படத்தின் ட்ரெய்லருக்கும் வாழ்த்து தெரிவித்தார்.

இதைத்தொடர்ந்து மீண்டும் ட்ரெய்லர் வெளியாகும் தேதி இன்னும் நிச்சயிக்கப்படவில்லை என இன்னொரு ட்வீட்டையும் இட்டுச்சென்றார். இச்செய்தி ரசிகர்களுக்கு சர்ப்ரைஸ் வைப்பதற்காகக்கூட இருக்கலாம் என்றும் ஒரு பக்கம் கூறப்படுகிறது.

இதையும் படிங்க: 'தர்பார்' ட்ரெய்லர் தேதியை அறிவித்த சந்தோஷ் சிவன்!