சமீபத்தில் நடிகர் சந்தானம் நடிப்பில் வெளியான 'ஏ1' திரைப்படம் ரசிகர்கள் மத்தியில் நல்ல வரவேற்பைப் பெற்றது.
'வித்தைக்காரன்' சந்தானம் ஆட இருக்கும் 'டிக்கிலோனா'
நடிகர் சந்தானம் மூன்று கதாபாத்திரங்களில் நடிக்க உள்ள புதியப்படத்தின் தலைப்பை படக்குழு வெளியிட்டுள்ளது.
santhanam
இந்நிலையில், கே.ஜே.ஆர் ஸ்டுடியோஸ் சார்பாக இயக்குநர் கார்த்திக் யோகி இயக்கும் புதியப் படத்தில் நடிகர் சந்தானம் நடிக்க உள்ளார். சயின்ஸ் ஃபிக்ஷன் பின்னணியில் உருவாக உள்ள இப்படம் முழுக்க முழுக்க காமெடி படமாக அமைய உள்ளது. இந்நிலையில், படத்திற்கு 'டிக்கிலோனா' என்று படக்குழுவினர் பெயர் வைத்துள்ளனர். இப்படத்தில் முதன் முறையாக சந்தானம் மூன்று வேடங்களில் நடிக்க உள்ளதாகத் தெரிகின்றது.
'ஜெயம்கொண்டான்’, 'கண்டேன் காதலை' உள்ளிட்ட படங்களை இயக்கிய கண்ணன், சந்தானத்தை வைத்து 'வித்தைக்காரன்' படத்தை இயக்க உள்ளார். அதேபோல், சந்தானத்தின் 'டகால்டி' , 'சர்வர் சுந்தரம்' ஆகிய படங்கள் வெளியாக உள்ளது என்பது குறிப்பிடத்தக்கது.