விஜய் சேதுபதி நடிப்பில் உருவாகியுள்ள 'சங்கத்தமிழன்' படம் நவம்பர் 8 அல்லது 15 ஆம் தேதி வெளியாகும் என தயாரிப்பு தரப்பு அறிவித்துள்ளது.
இயக்குநர் விஜய் சந்தர் இயக்கத்தில் விஜய் சேதுபதி நடிப்பில் உருவாகி வரும் படம் 'சங்கத்தமிழன்'. இப்படத்தில் விஜய் சேதுபதியுடன் நடிகை ராஷி கண்ணா, நிவேதா பெத்துராஜ், சூரி, நாசர், ஜான் விஜய் உள்ளிட்ட பலரும் நடிக்கின்றனர். பாரதி ரெட்டி தயாரிக்கும் இப்படத்திற்கு விவேக் - மெர்வின் இசையமைத்துள்ளனர்.
சமீபத்தில் இப்படத்தின் பாடல்களும் ட்ரெய்லரும் வெளியாகி ரசிகர்களிடையே நல்ல வரவேற்பைப் பெற்றுள்ளது. இப்படம் தீபாவளிக்கு வெளியாகும் என சமீபத்தில் அறிவித்திருந்தது. ஆனால், தற்போது இப்படத்தின் தயாரிப்பு தரப்பு, இப்படம் நவம்பர் 8 அல்லது 15 ஆம் தேதி வெளியாகும் என்று அறிவித்துள்ளது. விரைவில் படம் வெளியாகும் தேதி குறித்த அதிகாரப்பூர்வ அறிவிப்பு வெளியாகும் எனவும் தெரிவித்துள்ளனர்.
இதனால் இந்த ஆண்டு தீபாவளி ரேஸில் இருந்து சங்கத்தமிழன் மீண்டும் விலகியுள்ளது. தற்போது வரை ரேஸில் தளபதி விஜயின் 'பிகில்' படகும், தளபதி 64 இயக்குநரின் 'கைதி' திரைப்படமும் இருந்து வருகிறது.
இதையும் வாசிங்க: 'பிகில்' அடிக்கும் 'கைதி'யுடன் கைகோர்த்த 'சங்கத்தமிழன்'