'பிகில்' அடிக்கும் 'கைதி'யுடன் கைகோர்த்த 'சங்கத்தமிழன்'

விஜய் சேதுபதி நடிப்பில் உருவாகியுள்ள 'சங்கத்தமிழன்' படம் வெளியாவது குறித்து புதிய தகவல் ஒன்றை படக்குழு தற்போது அறிவித்துள்ளது.

இயக்குநர் விஜய் சந்தர் இயக்கத்தில் விஜய் சேதுபதி நடிப்பில் உருவாகிவரும் படம் 'சங்கத்தமிழன்'. இப்படத்தில் விஜய் சேதுபதியுடன் நடிகை ராஷி கண்ணா, நிவேதா பெத்துராஜ், சூரி, நாசர், ஜான் விஜய் உள்ளிட்ட பலரும் நடிக்கின்றனர். பாரதி ரெட்டி தயாரிக்கும் இப்படத்திற்கு விவேக் - மெர்வின் இசையமைத்துள்ளனர்.

சமீபத்தில் இப்படத்தின் பாடல்களும் டிரெய்லரும் வெளியாகி ரசிகர்களிடையே நல்ல வரவேற்பை பெற்றுள்ளது. இந்நிலையில் தற்போது இப்படம் தீபாவளி அன்று வெளியாகும் என்று படக்குழு அறிவித்துள்ளது.

ஏற்கனவே இந்த வருட தீபாவளி ரேஸுக்கு அட்லி இயக்கத்தில் விஜய் நடித்துவரும் ‘பிகில்’ திரைப்படம் வெளியாகும் என முன்பே அறிவிக்கப்பட்டிருந்தது. தற்போது இதில் சங்கத்தமிழன் சேர்ந்துள்ளது. அதேபோல் கார்த்தி நடிப்பில் உருவாகியுள்ள 'கைதி' திரைப்படமும் தீபாவளிக்கு வெளியாகவுள்ளதாக படக்குழு அறிவித்துள்ளது.

இதையும் படிங்க: 'விஜய் சேதுபதியின் மாஸ் என்னானு தெரியுமா?' - வெளியான 'சங்கத்தமிழன்' ட்ரெய்லர்!