விஷால் ஃபிலிம் ஃபாக்டரி தயாரிப்பில் அறிமுக இயக்குநர் எம்.எஸ். ஆனந்தன் இயக்கியுள்ள திரைப்படம் 'சக்ரா'.
இதில் விஷால் கதாநாயகனாக நடிக்க ஷ்ரத்தா ஸ்ரீநாத், ரெஜினா, ரோபோ ஷங்கர், சிருஷ்டி டாங்கே, கே.ஆர். விஜயா, மனோபாலா உள்ளிட்டோர் முன்னணி கதாபாத்திரங்களில் நடித்துள்ளனர்.
இப்படத்தின் ஷூட்டிங் முடிந்த நிலையில், டப்பிங் பணிகள் விரைவில் தொடங்கவுள்ளதாகப் படக்குழு தெரிவித்துள்ளது.
இந்நிலையில் இப்படத்தின் ட்ரெய்லர் குறித்த தகவலை விஷால் தனது ட்விட்டர் பக்கத்தில் வெளியிட்டுள்ளார்.
அதில், ”சக்ரா படத்தின் ட்ரெய்லர் முன்னோட்டத்திற்குத் தயாராகுங்கள். இன்று மாலை 5 மணிக்கு ட்ரெய்லர் வெளியாகிறது” என்று தெரிவித்து போஸ்டர் ஒன்றையும் வெளியிட்டுள்ளார்.