300 மில்லியன்... சாய் பல்லவி பாடல் மூன்றாவது முறையாக சாதனை!

நடிகை சாய் பல்லவி நடித்துள்ள 'லவ் ஸ்டோரி' படத்தில் இடம்பெற்றுள்ள பாடல் ஒன்று யூ-ட்யூப்பில் 300 மில்லியன் பார்வையாளர்களைக் கடந்து சாதனை படைத்துள்ளது.

தமிழ், தெலுங்கு, மலையாளம் போன்ற மொழிப் படங்களில் முன்னணி நடிகையாக வலம் வருபவர் சாய் பல்லவி. இவரது நடனத்திற்கு என்றே ஒரு தனி ரசிகர்கள் பட்டாளம் உள்ளது.

குறிப்பாக சாய் பல்லவி பட பாடல்கள் ரசிகர்களை கொண்டாட்டத்தில் ஆழ்த்தில் இணையத்தை கலக்கி வருகின்றன. இந்நிலையில் சாய் பல்லவி நடிப்பில் உருவாகியுள்ள 'லவ் ஸ்டோரி' படத்தில் இடம்பெற்றுள்ள, ’சாரங்க தரியா’ பாடல் யூ-ட்யூப்பில் 300 மில்லியன் பார்வையாளர்களைக் கடந்து சாதனை படைத்து வருகிறது. இந்தப் பாடலை மங்குலி பாடியுள்ளார்.

ஏற்கனவே சாய் பல்லவி நடித்திருந்த 'மாரி 2', ’ஃபிடா’ படங்களில் இடம்பெற்றுள்ள, ’ரவுடி பேபி’, ’வச்சிந்தே’ ஆகிய பாடல்கள் 1200 மில்லியன் மற்றும் 309 மில்லியன் பார்வையாளர்களைக் கடந்துள்ளது. அவற்றின் வரிசையில் சாய் பல்லவி மூன்றாவது பாடலாக இப்பாடலும் மில்லியன்களை கடந்து சாதனை படைத்து வருகிறது.

இதையும் படிங்க:சர்வதேச விருது வென்ற கூழாங்கல்