பாலிவுட்டில் மகேஷ் பட் இயக்கத்தில் உருவாகியுள்ள திரைப்படம் ‘சதக் 2’. இதில் சஞ்சய் தத், ஆதித்யா ராய் கபூர், அலியா பட் ஆகியோர் நடித்துள்ளனர். இத்திரைப்படத்தை மகேஷ் பட்டின் சகோதரர் முகேஷ் பட் தயாரித்துள்ளார்.
நேரடியாக டிஸ்னி+ ஹாட்ஸ்டாரில் வரும் ஆகஸ்ட் 28ஆம் தேதி வெளியாகும் இப்படத்தின் ட்ரெய்லர் கடந்த புதன்கிழமை (ஆக.12) வெளியானது.
இந்நிலையில் ‘சதக் 2’ திரைப்படத்தின் ட்ரெய்லர் வெளியான சில மணி நேரங்களில் பலரும் டிஸ்லைக் செய்தனர். அதன்படி இதுவரை ‘சதக் 2’ திரைப்படத்தின் ட்ரெய்லரை 9.04 மில்லியன் நபர்கள் டிஸ்லைக் செய்தனர். இதன்மூலம் அதிக டிஸ்லைக்குகளைப் பெற்ற யூ டியூப் வீடியோக்களின் பட்டியலில் ‘சதக் 2’ திரைப்படத்தின் ட்ரெய்லர் மூன்றாவது இடத்தைப் பிடித்து வித்தியாசமான சாதனையைப் பிடித்துள்ளது.
தொடர்ந்து இரண்டாவது இடத்தில் ஜஸ்டின் பீபரின் பேபி பாடலும், முதலிடத்தில் யூ டியூப் ரீவைண்ட் 2018 வீடியோவும் உள்ளது என்பது குறிப்பிடத்தக்கது.
20 ஆண்டுகளுக்குப் பிறகு இந்தப் படம் மூலம் இயக்குநராக மகேஷ் பட் மீண்டும் பாலிவுட்டில் நுழைகிறார்.