900 மில்லியன் வியூவ்ஸ் கடந்து சாதனை படைத்த ரவுடி பேபி!

நடிகர் தனுஷ் நடிப்பில் வெளியான மாரி 2 படத்தில் இடம்பெற்றுள்ள ரவுடி பேபி பாடல் யூடியூப் தளத்தில் 900 மில்லியன் வியூவ்ஸ் கடந்து சாதனை படைத்துள்ளது.

நடிகர் தனுஷ், சாய் பல்லவி நடிப்பில் கடந்த 2018ஆம் ஆண்டு வெளியான திரைப்படம் 'மாரி 2'. பாலாஜி மோகன் இயக்கிய இத்திரைப்படத்தில் இசையமைப்பாளராக யுவன் சங்கர் ராஜா பணியாற்றினார்.

இப்படத்தில் இடம்பெற்ற 'ரவுடி பேபி' பாடல் பட்டிதொட்டியெங்கும் பிரபலமானது. இந்நிலையில், யூ-டியூப் தளத்தில் வெளியான இப்பாடல் பல்வேறு சாதனைகளைப் படைத்து வருகிறது. அந்தவகையில் தற்போது வரை இந்தப் பாடல் யூ-டியூப்பில் 900 மில்லியன் வியூவ்ஸ் கடந்து புதிய சாதனையைப் படைத்துள்ளது.

இச்செய்தியை 'மாரி 2' பட தயாரிப்பு நிறுவனமான வுண்டர்பார் பிலிம்ஸ் தன்னுடைய ட்விட்டர் பக்கத்தில் வெளியிட்டுள்ளது.

அதில், “எங்களுக்கு அன்பு மற்றும் ஆதரவு கொடுத்த அனைத்து ரவுடி பேபிகளுக்கும் நன்றி. பில்லியனை நோக்கி செல்கிறோம்” என்று குறிப்பிடப்பட்டுள்ளது.