ஜுனியர் ராபர்ட் டவுனி நடிப்பில் ஸ்டீபன் ககன் இயக்கும் ஃபேன்டசி காமெடி திரைப்படம் 'டூலிட்டில்'.
தாமஸ் ஷெப்பர்ட் எழுதிய கதையிலிருந்து ஹக் லோஃப்டிங் உருவாக்கிய டாக்டர் டூலிட்டில் என்ற கதாபாத்திரத்தை அடிப்படையாகக் கொண்ட இந்த கார்டூன் திரைப்படத்தில் அந்தோணியோ பந்தேரஸ், மைக்கேல் ஷீன், எம்மா தோம்சன், ரமி மாலெக், ஜான் சீனா உள்ளிட்டோர் கார்டூன் கதாபாத்திரங்களுக்குப் பின்னணி குரல் கொடுத்துள்ளனர்.
175 மில்லியன் டாலர் செலவில் உருவாகிவரும் இந்தப் படத்தை மீடியா ரைட்ஸ் கேட்பிடல், டீம் டவுனி உள்ளிட்ட நிறுவனங்கள் தயாரித்துள்ளன. இந்தப் படம் உலகம் முழுவதும் வரும் ஜனவரி 17ஆம் தேதி திரைக்கு வருகிறது.
கடந்த அக்டோபரில் இதன் ட்ரெய்லர் வெளியாகி பெரும் வரவேற்பைப் பெற்றிருந்த நிலையில், தற்போது கதாபாத்திரங்களின் புதிய போஸ்டர்களை படக்குழு வெளியிட்டுள்ளது. இப்படமானது ஆங்கிலம், இந்தி, தமிழ், தெலுங்கு ஆகிய மொழிகளில் இந்தியாவில் வெளியாகவுள்ளது.