’நெஞ்சமுண்டு நேர்மையுண்டு ஓடு ராஜா’ படத்தைத் தொடர்ந்து ரியோ ராஜ் நடிப்பில் உருவாகியுள்ள படம் 'பிளான் பண்ணி பண்ணனும்’. இயக்குநர் பத்ரி வெங்கடேஷ் இயக்கியுள்ள இப்படத்தில் கதாநாயகியாக நடிகை ரம்யா நம்பீசன் நடித்துள்ளார். பாணா காத்தாடி, செம போத ஆகாத படங்களைத் தொடர்ந்து மூன்றாவது முறையாக இயக்குநர் பத்ரி வெங்கடேஷ் - யுவன் ஷங்கர் ராஜா புதிய படத்தில் கூட்டணி அமைத்துள்ளனர்.
இதில் எம்.எஸ். பாஸ்கர், சந்தான பாரதி, பால சரவணன், ரேகா, லிவிங்ஸ்டன், விஜி சந்திரசேகர், ரோபோ சங்கர், முனீஸ்காந்த், ஆடுகளம் நரேன் உள்ளிட்டோர் நடித்துள்ளனர். இப்படத்தின் டீசர் இன்று மாலை 5 மணிக்கு வெளியாகும் என்று அறிவிக்கப்பட்டிருந்தது. அறிவித்தப்படி படத்தின் டீசர் வெளியாகியுள்ளது.