'ரங்கஸ்தலம்' பட இயக்குநர் சுகுமார் இயக்கத்தில் உருவாகிவரும் 'புஷ்பா' படத்தில் தெலுங்கு நடிகர் அல்லு அர்ஜுன் நடித்துவருகிறார்.
'புஷ்பா' படத்தில் அல்லு அர்ஜுனுக்கு ஜோடியாக ராஷ்மிகா மந்தனா நடிக்க ஒப்பந்தம் செய்யப்பட்டுள்ளார். தமிழ், தெலுங்கு, மலையாளம், கன்னடம், இந்தி என ஐந்து மொழிகளில் உருவாகும் இப்படத்தை மைத்ரி மூவி மேக்கர்ஸ் நிறுவனம் தயாரிக்கிறது.
தேவி ஸ்ரீ பிரசாத் இசையமைக்கிறார். கரோனா பரவல் காரணமாக நிறுத்திவைக்கப்பட்டிருந்த படப்பிடிப்பு கடந்த சில மாதங்களாக முழு வீச்சில் நடைபெற்றுவருகிறது. புஷ்பா படத்தில் பன்வார் சிங் ஷெகாவத் (ஐபிஎஸ்) கதாபாத்திரத்தில் மொட்டைத் தலையுடன் ஆக்ரோஷமாக ஃபகத் பாசில் நடிக்கிறார். அதே போல் ராஷ்மிகா ஸ்ரீவள்ளி கதாபாத்திரத்தில் நடிக்கிறார்.
இந்நிலையில், அக்டோபர் 13ஆம் தேதி ராஷ்மிகாவின் கதாபாத்திரமான ஸ்ரீவள்ளி என்னும் இரண்டாவது பாடல் வெளியாகிறது. 'புஷ்பா' படத்தின் ஃபர்ஸ்ட் சிங்கிளான, 'ஓடு ஓடு ஆடு' பாடல் ஆகஸ்ட் 13ஆம் தேதி வெளியாகி சமூக வலைதளப்பக்கத்தில் வரவேற்பைப் பெற்றது. இரண்டு பாகங்களாக உருவாகிவரும் 'புஷ்பா' படத்தின் முதல் பாகம் டிசம்பர் 17ஆம் தேதி வெளியாகிறது.
இதையும் படிங்க: 'ஓடு ஓடு ஆடு' - புஷ்பா ஃபர்ஸ்ட் சிங்கிள் வெளியீடு