பாலிவுட்டில் நடிகை ராஷ்மிகா மந்தனா 'மிஷன் மஜ்னு', அமிதாப் பச்சனுடன் 'குட்பை' போன்ற படங்களில் நடித்து வருகிறார். இந்தியில் ராஷ்மிகாவுக்கு தொடர்ந்து படவாய்ப்புகள் வருவதால் மும்பையில் தனியாக வீடு எடுத்து தங்கியுள்ளார்.
இந்நிலையில், ராஷ்மிகா சமீபத்தில் விடுமுறை கொண்டாட வெளிநாடு சென்றுள்ளார். முன்னதாக ராஷ்மிகா தனது சமூகவலைதளப்பக்கத்தில், நான் ரொம்ப தொலைவில் செல்கிறேன். ஆனால் விரைவில் திரும்பி வருவேன் என்ற கேப்சனுடன் பாஸ்போர்ட் உடன் விமான டிக்கெட் புகைப்படத்தை பதிவிட்டிருந்தார்.
அதைத்தொடர்ந்து விமான இருக்கையில் இருந்தப்படி செல்ஃபியை பகிர்ந்த ராஷ்மிகா நான் எங்கு செல்கிறேன் என யூகிக்குமாறு தனது சமூகவலைதளப்பக்கத்தில் பதிவிட்டிருந்தார்.