இந்தியாவில் சமீபகாலமாக மரக்கன்றுகள் நடும் சவால் ட்ரெண்டாகி வருகிறது. திரையுலகப் பிரபலங்கள் பலரும் #greenindiachallenge என்ற ஹேஷ் டேகைப் பயன்படுத்தி மரக்கன்றுகள் நட்டு வருகின்றனர். மேலும் தாங்கள் மரக்கன்றுகள் நடுவதை புகைப்படம் எடுத்து, இந்தச் சவாலை செய்யுமாறு பிற திரையுலகப் பிரபலங்களை டேக் செய்து வருகின்றனர்.
அந்த வகையில் தெலுங்கு நடிகர் ராணா டகுபதியும் இந்த சவாலில் கலந்து கொண்டு தனது தோட்டத்தில் இரண்டு மரக்கன்றுகளை நட்டு வைத்துள்ளார். அப்போது எடுக்கப்பட்ட புகைப்படத்தை அவர் தனது ட்விட்டர் பக்கத்தில் பகிர்ந்துள்ளார்.