தனுஷின் ‘ரௌடி பேபி’ சாதனை கோவிந்தா!

தனுஷின் ‘ரௌடி பேபி’ பாடலின் சாதனையை அல்லு அர்ஜுனின் ‘ராமுலோ ராமுலா’ பாடல் முறியடித்துள்ளது.

தனுஷ், சாய் பல்லவி ஆகியோர் முன்னணி கதாபாத்திரங்களில் நடித்து வெளியான திரைப்படம் ‘மாரி 2’. இந்தப் படத்துக்கு யுவன் சங்கர் ராஜா இசையமைத்திருந்தார். இதில் இடம்பெற்ற ‘ரௌடி பேபி’ என்ற பாடல் பட்டிதொட்டி எங்கும் பிரபலமானது. பிரபு தேவா நடன அமைப்பும் - யுவன் இசையும் சேர்ந்து இந்தப் பாடலை மாபெரும் ஹிட்டாக்கியது. யூடியூப்பில் இதுவரை இந்தப் பாடலை 68 கோடி முறை பார்த்துள்ளனர். இந்தப் பாடல் யூடியூப்பில் வெளியான 24 மணி நேரத்துக்குள் இதை 70 லட்சம் பேர் பார்த்திருந்தது குறிப்பிடத்தக்கது. இந்நிலையில் இந்த சாதனையை அல்லு அர்ஜுனின் ‘ராமுலோ ராமுலா’ பாடல் முறியடித்துள்ளது.

Ramuloo Ramulaa

திரிவிக்ரம் இயக்கத்தில் அல்லு அர்ஜுன், பூஜா ஹெக்டே ஆகியோர் முன்னணி கதாபாத்திரங்களில் நடித்துவரும் படம் ’அலா வைகுந்தபுரமுலோ’ (Ala Vaikunthapurramloo). இதில் தபு, ஜெயராம், நிவேதா பெத்துராஜ், நவ்தீப் உள்ளிட்டோர் முக்கிய கதாபாத்திரங்களில் நடிக்கின்றனர். கீதா ஆர்ட்ஸ் தயாரிப்பில் உருவாகிவரும் இப்படத்துக்கு தமன் இசையமைத்துள்ளார். இதில் இடம்பெற்றுள்ள ‘ராமுலோ ராமுலா’ பாடலை 24 மணி நேரத்துக்குள் 80 லட்சம் முறை பார்த்துள்ளனர். இது ‘ரௌடி பேபி’ பாடலின் சாதனையை முறியடித்துள்ளது. ஆனால் ‘ரௌடி பேபி’ பாடலின் ஒட்டுமொத்த சாதனையை முறியடிக்குமா என பொறுத்திருந்து பார்ப்போம்.