சர்ச்சைக்கு பெயர்போன இயக்குநர் ராம்கோபால் வர்மா, புதிதாக இயக்கியுள்ள படம் ’என்டர் தி கேர்ள் டிராகன்’. புரூஸ் லீயை குருவாகப் போற்றும் பூஜா பாலெகர் இதில் கதாநாயகியாக நடித்துள்ளார். புரூஸ் லீ பிறந்தநாள் (நவம்பர் 27) அன்று இதன் டீசர் வெளியாகி திரையுலக ரசிகர்களின் பெரும் வரவேற்பைப் பெற்றது. தற்போது இதன் சர்வதேச ட்ரெய்லர் வெளியீடு புரூஸ் லீ சிலையின் முன்பு சீனாவில் நடைபெற்றது.
சீனாவின் ஃபோஷன் நகரில் உள்ள உலகின் மிகப்பெரிய புரூஸ் லீ சிலை முன்பு ’என்டர் தி கேர்ள் டிராகன்’ ட்ரெய்லர் வெளியீட்டு விழா நடைபெற்றது. இது குறித்து ராம்கோபால் வர்மா, சைக்கிளில் சென்று புரூஸ் லீயின் 'என்டர் தி கேர்ள் டிராகன்' திரைப்படத்தைப் பார்த்தேன். இப்போது என்னுடைய ’என்டர் தி கேர்ள் டிராகன்’ ட்ரெய்லர் வெளியீட்டுக்காக விமானத்தில் வந்திருப்பதாக தனது ட்விட்டர் பக்கத்தில் குறிப்பிட்டுள்ளார்.