ரகுல் ப்ரீத் சிங்கின் படத்தில் முக்கியக் கதாபாத்திரமான உயிரற்ற பொருள்!

நடிகை ரகுல் ப்ரீத் சிங், அர்ஜுன் கபூருடன் தான் இணைந்து நடித்துவரும் படத்தின் முக்கியக் கதாபாத்திரம் குறித்த அறிவிப்பு ஒன்றை வெளியிட்டுள்ளார்.

நடிகை ரகுல் ப்ரீத் சிங் நடிப்பில் கடைசியாக ’ஷிம்லா மிர்ச்சி’ திரைப்படம் வெளியானது. அதைத்தொடர்ந்து இவர் தற்போது பாலிவுட்டில் அர்ஜுன் கபூருடன் இணைந்து திரைப்படம் ஒன்றில் நடித்து வருகிறார். இன்னும் பெயரிடப்படாத இப்படத்தின் ஷூட்டிங், கரோனா ஊரடங்கில் தளர்வுகள் அறிவிக்கப்பட்ட பிறகு, தற்போது மீண்டும் தொடங்கியுள்ளது.

இதுதவிர அடிக்கடி படப்பிடிப்பின் இடையே எடுத்துகொள்ளும் புகைப்படங்களை நடிகை ரகுல் ப்ரீத் சிங் தனது சமூக வலைதளங்களில் வெளியிட்டு வருகிறார். அந்தவகையில் மிகவும் யதார்த்தமாக ரகுல் ப்ரீத் சிங்கும், அர்ஜுன் கபூரும் எடுத்துகொண்ட புகைப்படம் ஒன்றை அவர் வெளியிட்டுள்ளார்.

அதில் “இப்படத்தின் முக்கியக் கதாபாத்திரங்களில், இந்த கைப்பையும் ஒன்று” என்று குறிப்பிட்டுள்ளார். இந்தப் புகைப்படம் அவரது ரசிகர்களிடையே இப்படம் குறித்த எதிர்ப்பார்ப்பை அதிகரித்துள்ளது.

இப்படத்தில் நடிகர் ஜான் ஆபிரகாம், அதிதி ராவ் ஹைதாரி ஆகியோரும் முக்கியக் கதாபாத்திரங்களில் நடிப்பது குறிப்பிடத்தக்கது.

இதையும் படிங்க:கொல்கத்தா பறந்து சென்ற 'அக்னிச் சிறகுகள்' படக்குழு!