சிறுத்தை சிவா இயக்கத்தில் ரஜினி, குஷ்பு, மீனா ஆகியோர் முன்னணி கதாபாத்திரங்களில் நடித்துவரும் படம் ‘அண்ணாத்த’. இதில் கீர்த்தி சுரேஷ், நயன்தாரா, பிரகாஷ் ராஜ், ஜாக்கி ஷெராஃப் ஆகியோர் முக்கிய வேடங்களில் நடிக்கின்றனர். கிராமத்து பின்னணியில் உருவாகிவரும் இப்படத்தை சன் பிக்சர்ஸ் நிறுவனம் தயாரித்துள்ளது. டி. இமான் முதன்முறையாக ரஜினிக்கு இசையமைக்கிறார்.
அண்ணாத்த தீம் மியூசிக் வெளியாகி நல்ல வரவேற்பை பெற்றிருந்தது. பின்னர் ரஜினி, சிவா பேசிக்கொள்வது போன்ற ஷூட்டிங் ஸ்பாட் புகைப்படம் வெளியாகி வைரலானது. இந்நிலையில், இந்த ஆண்டு தீபாவளி அன்று (நவம்பர் 4) அண்ணாத்த’ திரைப்படம் வெளியாகும் என அதிகாரப்பூர்வ அறிவிப்பு வெளியாகியுள்ளது.