‘ராதே ஷ்யாம்' பட போஸ்டர் வெளியீடு!

சென்னை: நடிகர் பிரபாஸ் நடித்துவரும் ‘ராதே ஷ்யாம்' படத்தின் போஸ்டர் வெளியாகி சமூக வலைதளங்களில் வைரலாகிறது.

நடிகர் பிரபாஸ் தற்போது பூஜா ஹெக்டேவுடன் இணைந்து ‘ராதே ஷ்யாம்’ திரைப்படத்தில் நடித்துவருகிறார். ராதா கிருஷ்ண குமார் இயக்கிவரும் இத்திரைப்படத்தில் சச்சின் கடேகர், பாக்யஸ்ரீ, ப்ரியதர்ஷினி, முரளி ஷர்மா, சாஷா சேட்ரி மற்றும் குணால் ராய் கபூர் உள்ளிட்டோர் நடிக்கின்றனர்.

இத்திரைப்படத்தின் படப்பிடிப்பு ஜார்ஜியாவில் நடைபெற்றுவருகிறது. இதற்கிடையில் ‘ராதே ஷ்யாம்’ படத்தில் பிரபாஸின் ஃபர்ஸ்ட் லுக்கை படக்குழு தனது ட்விட்டர் பக்கத்தில் வெளியிட்டுள்ளது.

அதில், ’விக்ரம் அதித்யா’ என்ற பெயரில் பிரபாஸ் நடித்துவருவதாக குறிப்பிடப்பட்டுள்ளது. மேலும் போஸ்டரில், பிரபாஸ் நீல நிற உடையணிந்து, மிகவும் ஸ்டைலாக கார் மீது அமர்ந்துள்ள புகைப்படம் தற்போது சமூக வலைதளங்களில் வைரலாகிறது. மேலும் பிரபாஸின் பிறந்தநாளான நாளை (அக்.23) படத்தின் மோஷன் போஸ்டர் வெளியாகவுள்ளது என்பது குறிப்பிடத்தக்கது.