சென்னை ஆவடியைச் சேர்ந்தவர் மனோ(37). இவர், சன் டிவியில் தொகுப்பாளராகவும், மானாட மயிலாட நிகழ்ச்சியில் நடனக் கலைஞராகவும் அறிமுகமாகி பிரபலமானவர். தொடர்ந்து 2010ல் வெளியான 'புழல்' என்ற திரைப்படத்தில் மூன்று நடிகர்களில் ஒருவராக அறிமுகமானார்.
மேலும் 'சும்மாவே ஆடுவோம்', ' திருட்டு விசிடி' உள்ளிட்ட பல படங்களில் நடித்தார். பல்வேறு படங்களில் டப்பிங் கலைஞராகவும் பணியாற்றி வந்த இவர், தமிழ்நாடு முழுவதும் மேடை நிகழ்ச்சிகளை நடத்திவந்தார் .
இதனிடையே, நேற்று மாலை தனது மனைவி லிவியாவுடன் அம்பத்தூரில் இருந்து ஆவடிக்கு காரில் சென்றுகொண்டிருந்தார். அப்போது திடீரென சென்டர் மீடியனில் கார் மோதி விபத்துக்குள்ளானதில் மனோ சம்பவ இடத்திலேயே உயிரிழந்தார். இதில் பலத்த காயமடைந்த அவருடைய மனைவி லிவியா தனியார் மருத்துவமனையில் தீவிர சிகிச்சை பிரிவில் சேர்க்கப்பட்டார். இந்த தம்பதிக்கு ஏழு வயதில் ஒரு மகள் உள்ளார்.