ஹெச்.வினோத் இயக்கத்தில், அஜித் நடிப்பில் கடந்த 8ஆம் தேதி வெளியான படம் 'நேர்கொண்ட பார்வை'. இந்த படத்தை போனிகபூர் தயாரித்தார். யுவன் சங்கர் ராஜா இசையமைத்தார்.
இப்படத்தில் அஜித்துடன் ஸ்ரதா ஸ்ரீநாத் ஆகியோரும் நடித்துள்ளனர். இப்படம் ரசிகர்கள் மத்தியில் நல்ல விமர்சனத்தையும், வரவேற்பையும் பெற்று வருகிறது.
இந்நிலையில், படத்தின் வசூல் குறித்து போனிகபூர் தனது ட்விட்டர் பக்கத்தில் வீடியோ ஒன்றை பதிவிட்டுள்ளார். அதில், நேர்கொண்ட பார்வை வெளிநாட்டில் 1 மில்லியன் அமெரிக்க டாலர் வசூலித்ததாக தெரிவிக்கப்பட்டுள்ளது.
சென்னையிலும் படம் வெளியாகி மூன்று நாட்களில் நான்கு கோடி ரூபாய் வரை வசூல் செய்ததாக தகவல் வெளியாகியுள்ளது.