நாங்க பட்டாசு வெடிச்சா ஆஸ்துமா... நீங்க 'தம்' அடிச்சா...? - பிரியங்காவிடம் கேள்வி!

பாலிவுட் நடிகை பிரியங்கா சோப்ரா புகைப்படம் ஒன்று சமூக வலைதளங்களில் வெளியாகி வைரலாகி வருகிறது.

சமீபத்தில் பாலிவுட் நடிகை பிரியங்கா சோப்ரா தனது 37ஆவது பிறந்தநாளை கணவர் நிக் ஜோன்ஸ் உடன் மியாமியில் உற்சாகமாகக் கொண்டாடினார். அப்போது எடுக்கப்பட்ட புகைப்படங்கள் சமூக வலைதளங்களில் வெளியாகி ரசிகர்களால் அதிகமாக பகிரப்பட்டது. அதில் பிரியங்கா சோப்ரா சிகரெட் பிடிக்கும் புகைப்படம் ஒன்று வெளியாகியது.

புகைப்பிடிக்கும் பிரியங்கா

இப்படம் தற்போது ரசிகர்களால் சமூகவலைதளங்களில் ட்ரோல் செய்யப்பட்டு வருகிறது. இதனால் ட்வீட்டரில் #priyankachopra என்ற ஹேஷ்டேக் இந்திய அளவில் முதலிடம் பிடித்துள்ளது.

புகைப்பற்றி பிரியங்காவின் ட்விட்

"எனக்கு ஆஸ்துமா இருக்கிறது. என்னைப் போன்ற பலருக்கு ஆஸ்துமா இருக்கிறது. அதனால் தீபாவளி அன்று பட்டாசுகளை வெடிப்பதை தவிர்க்க வேண்டும்" என்று கடந்த வருடம் தீபாவளியன்று பிரியங்கா சோப்ரா கேட்டிருந்தார்.

பட்டாசு வெடிக்காதீங்க

இந்தச் சம்பவத்தையும் தற்போது அவர் சிகரெட் பிடிப்பதையும் ஒப்பிட்டு நெட்டிசன்கள், பிரியங்கா சோப்ராவை வறுத்தெடுத்து வருகின்றனர்.